Oman İran və ABŞ arasında nüvə proqramı üzrə danışıqların beşinci raundunun mayın 23-də Romada keçiriləcəyini açıqlayıb.
İran Xarici İşlər Nazirliyinin sözçüsü İsmail Bəqayi bildirib ki, İslam Respublikası Omanın təklifi ilə razılaşıb.
İran Xarici İşlər Nazirliyinin sözçüsü qeyd edib: "İran İslam Respublikasının danışıqlar qrupu zənginləşdirmə və repressiv sanksiyaların ləğvi də daxil olmaqla, dinc nüvə enerjisindən faydalanmaqda İran xalqının ali hüquq və mənafelərini qorumaqda qətiyyətlidir və bu istiqamətdə səy və təşəbbüslərini əsirgəməyəcək".
