Bir-birimizə qarşı öhdəliklərimiz, hüquqlarımız və niyyətlərimiz kağız üzərində aydın yazılıb, imzalanıb, ratifikasiya olunub və heç kim onları ləğv etməyib.
Bunu ER xarici işlər naziri Ararat Mirzoyan Rusiya xarici işlər naziri Sergey Lavrovla birgə mətbuat konfransında deyib.
“Eyni zamanda, erməni tərəfinin narahatlığı məlumdur ki, nəzərdə tutulan tədbirlər və mexanizmlər həmişə işləməyib, tam və ya müəyyən olunmuş qaydada işləməyib, lakin bu, tamamən başqa məsələdir.
Burada biz qurulmuş mexanizmlərin səmərəli tətbiqi məsələsini müzakirə edə bilərik, lakin bu mexanizmlərin və ümumiyyətlə, münasibətlərin yenidən formatlaşdırılması məsələsi gündəmimizdə deyil.
Təbii ki, çoxtərəfli assosiasiyalar, məsələn, KTMT çərçivəsində də əlaqələr var. Burada da erməni tərəfinin şərhi və dəyərləndirməsi sirr deyil.
"Lakin mən də nazir Lavrovla razılaşaraq qeyd etmək istəyirəm ki, bizim müzakirələrimiz çox konstruktivdir, davam edir. Bu müzakirələrdə problemli məsələlər, müsbət dinamika, sağlam tərəfdaşlıq münasibətləri və sağlam tərəfdaşlıq müzakirələri olan məsələlər komponenti var", - o deyib.
