Azərbaycan Müdafiə Nazirliyinin martın 30-u saat 22:30-dan martın 31-i səhər saat 4:35-dək Ermənistan Silahlı Qüvvələrinin bölmələrinin sərhəd zonasının şərq və cənub-şərq sektorlarında yerləşən Azərbaycan mövqelərini atəşə tutması barədə bəyanatı həqiqətə uyğun deyil. Bu barədə Ermənistan Müdafiə Nazirliyi məlumat yayıb.
“Eyni zamanda bildiririk ki, martın 31-də saat 00:50 radələrində Syunik rayonunun Xnatsax yaşayış məntəqəsi Azərbaycan Silahlı Qüvvələrinin bölmələri tərəfindən atəşə tutulub, nəticədə yaşayış evinə ziyan dəyib.
Xəsarət alanlar yoxdur.
Xatırladaq ki, Ermənistan Respublikasının Baş nazirinin Aparatı atəşkəs rejiminin pozulması hallarını və/yaxud onlar haqqında məlumatı araşdırmaq üçün Ermənistan-Azərbaycan birgə mexanizminin yaradılmasını təklif edib, Azərbaycan bu təklifə indiyədək cavab verməyib.
Ermənistan Respublikasının Müdafiə Nazirliyi bir daha təsdiq edir ki, Ermənistan Respublikasının Baş naziri Aparatının mövqeyinə uyğun olaraq, Azərbaycan Müdafiə Nazirliyinin mesajını əsaslandıran faktların Ermənistan Respublikasına veriləcəyi təqdirdə onları araşdırmağa hazırdır.
Eyni zamanda, biz Azərbaycan tərəfini Xnatsax qəsəbəsində yaşayış binasının atəşə tutulması faktını araşdırmağa və ictimaiyyətə izahat verməyə çağırırıq", - məlumatda deyilir.
.jpg)
.jpg)
