Belarus prezidenti Aleksandr Lukaşenko Ukrayna münaqişəsinin sülh yolu ilə həlli üzrə danışıqların Minskdə aparıla biləcəyinə dair fikirlərini bildirib və Ukrayna, Rusiya və ABŞ prezidentləri Zelenski, Putin və Trampı Belarusun paytaxtına dəvət edib.
"İstərsiniz, bura gəlin, Belarus sərhədindən Kiyevə qədər 200 kilometrdir, yarım saatlıq uçuşdur. Biz səs-küy salmadan, sakitcə razılaşa bilərik. Trampa deyin ki, mən onları Putin və Zelenski ilə gözləyirəm”, - deyə Lukaşenko amerikalı bloqqer Mario Naufala müsahibəsində deyib. Onun sözlərinə görə, Putin dinc danışıqlara və münaqişənin həllinə fokuslanıb.
Lukaşenkonun sözlərinə görə, “Zelenski ilə razılıq əldə edilməlidir, çünki onu Ukrayna cəmiyyətinin əksəriyyəti dəstəkləyir”.
