Rusiya və Türkiyə xarici işlər nazirlərinin görüşü Yohannesburqda keçirilən G20 xarici işlər nazirlərinin toplantısı çərçivəsində baş tutub.
Sergey Lavrov və Hakan Fidan ikitərəfli gündəliyin əsas məsələlərinə, o cümlədən ticarət-iqtisadi sahədə əməkdaşlığın perspektivlərinə toxunublar.
Rusiya Xarici İşlər Nazirliyinin məlumatına görə, beynəlxalq və regional məsələlər ətrafında fikir mübadiləsi aparılıb. Suriyada vəziyyətin sabitləşdirilməsinə yönəlmiş səylərin əlaqələndirilməsinə xüsusi diqqət yetirilib.
Lavrov türkiyəli həmkarına Ər-Riyadda keçirilən Rusiya-Amerika təmaslarının nəticələri barədə məlumat verib.
