Afinada Ermənistan Silahlı Qüvvələrinin yaradılmasının 33-cü ildönümünə həsr olunmuş təntənəli qəbul keçirilib. Bu barədə Ermənistanın Yunanıstandakı səfirliyi məlumat yayıb.
Fevralın 4-də Yunanıstan Quru Qoşunlarının “Zabit Evi”ndə Ermənistan Respublikası Silahlı Qüvvələrinin yaradılmasının 33-cü ildönümünə həsr olunmuş təntənəli tədbir keçirilib, tədbirdə Yunanıstan Respublikasının müdafiə naziri Nikolaos Dendias, Yunanıstan Müdafiə Nazirliyinin və Baş Qərargahın yüksək rütbəli zabitləri, digər dövlət ali idarəçilikləininyüksək rütbəli rəsmiləri, Parlamentin üzvləri, Yunanıstanda akkreditə olunmuş iyirmidən çox səfir və diplomat, hərbi attaşelər, yunan-erməni icmasının ruhanilərinin nümayəndələri, o cümlədən ictimai xadimlər və yunan-erməni icmasının nümayəndələri iştirak ediblər.
Ermənistan Respublikasının Yunanıstandakı fövqəladə və səlahiyyətli səfiri Tiqran Mkrtçyan və Ermənistan Respublikasının hərbi attaşesi polkovnik-leytenant Armen Mirzabekyan çıxış ediblər.
Ermənistan-Yunanıstan dostluq münasibətlərinə toxunan ER səfiri Ermənistan və Yunanıstanın müdafiə nazirlikləri ilə Baş Qərargahları arasında formalaşmış möhkəm əlaqələrə və son illərdə daha da genişlənən əməkdaşlığa toxunub.
Bu kontekstdə Ermənistan-Yunanıstan-Kipr üçtərəfli əməkdaşlığına da xüsusi diqqət yetirilib.
ER Hərbi Attaşesi polkovnik-leytenant Armen Mirzabekyan salamlama nitqi ilə çıxış edərək, silahlı qüvvələrin hərbi təhsilinin hərbi əməkdaşlığın yeni sahələrinə genişləndirilməsi prosesini qeyd edib.
Hərbi attaşe beynəlxalq tərəfdaş ölkələrin çoxtərəfli islahatlar prosesində rolunu qeyd edərək, Yunanıstanı bu kontekstdə xüsusi olaraq qeyd edib.
