Çərşənbə axşamı ABŞ-da prezident seçkiləri keçiriləcək. Gələn dörd ildə ölkəyə kimin rəhbərlik edəcəyinə ABŞ vətəndaşları, daha sonra isə seçki kollegiyası qərar verəcək: Respublikaçılar Partiyasının namizədi, artıq prezident vəzifəsini tutmuş Donald Tramp və ya ABŞ vitse-prezidenti Demokrat Partiyasını təmsil edən Kamala Harris.
Ölkədə keçirilən ictimai rəy sorğularının nəticələrinə görə, namizədlər arasında bərabər seçki mübarizəsi gedir.
Namizədlər haqqında faktlar:
Tramp 2017-ci il yanvarın 20-də ABŞ prezidenti vəzifəsinin icrasına başlayıb və ABŞ-ın əvvəllər heç bir dövlət və ya hərbi vəzifə tutmamış ilk rəhbəri olub. O, ABŞ tarixində cinayət törətməkdə təqsirli bilinən ilk keçmiş prezident olub.
2024-cü ildə Tramp seçkiqabağı kampaniya zamanı hücuma məruz qalıb.
Kamala Harris 2016-cı ildə ABŞ Senatının üzvü seçilib, prezident Trampı tənqid edib. O, prezident Co Baydenin administrasiyasında vitse-prezident vəzifəsini tutur.
