Macarıstanın xarici işlər naziri Peter Siyarto bəyan edib ki, Macarıstan Ermənistan və Azərbaycanla qarşılıqlı hörmət əsasında ünsiyyət qura biləcək vəziyyətdədir.
“Ermənistanla diplomatik münasibətlər bərpa edildikdən sonra biz ticarət rekordu qoyduq, birbaşa uçuşu təsdiqlədik, yay tətilini keçirmək üçün ölkəmizdə məcburi köçkün ailələrindən olan ümumilikdə 1000 uşaq qəbul etdik, ehtiyacı olan ailələrə əlavə 800 min avro yardım etdik. Biz həmçinin enerji sektorunda əməkdaşlığa başlamağı, səfirliklər açmağı planlaşdırırıq”, - Siyarto bildirib.
O əlavə edib ki, Macarıstanın Azərbaycanla da strateji tərəfdaşlıq əlaqələri var. Siyartonun sözlərinə görə, bu, Macarıstana sülh sazişinin başa çatdırılması prosesini dəstəkləmək imkanı verir. O qeyd edib ki, Budapeşt hər iki ölkə üçün danışıqlar platforması ola bilər.
