Baş nazirin müavinləri Mher Qriqoryan və Tiqran Xaçatryan USAID-in Avropa və Avrasiya Bürosunun rəhbəri, səfir Erin Mikinin rəhbərlik etdiyi nümayəndə heyətini qəbul ediblər.
İclasın əvvəlində baş nazirin müavini Mher Qriqoryan “Sülhün kəsişməsi” təşəbbüsünün həyata keçirilməsi prosesini təqdim edərək, onun siyasi, nəqliyyat, enerji və digər komponentlərinə toxunub. USAİD-in dəstəyi ilə həyata keçirilən “Sülhün kəsişməsi” təşəbbüsünün texniki və iqtisadi mümkünlüyün təhlili diqqətə çatdırılıb. Tərəflər həmçinin kapital bazarının inkişafı və ticarətin təşviqi imkanları barədə fikir mübadiləsi aparıblar.
Baş nazirin müavini Tiqran Xaçatryan Dağlıq Qarabağdan məcburi köçkünlər üçün sabit və layiqli həyat şəraitinin təmin edilməsi istiqamətində ER hökumətinin səylərinə toxunaraq, onların mənzil və məşğulluğunun təmin edilməsi istiqamətində görülən işləri təqdim edib. Baş nazirin müavini bu prosesdə xüsusilə məşğulluğun təşviqi istiqamətində USAID ilə əməkdaşlığın vacibliyini qeyd edib.
Tərəflər, həmçinin dövlət idarəçiliyində islahatlar, rəqəmsal transformasiya, strateji kommunikasiya və fəlakət risklərinin idarə olunması sahəsində əməkdaşlıq mövzularında fikir mübadiləsi aparıblar. Qurumların potensialının artırılması və dayanıqlığının artırılmasının vacibliyi vurğulanıb.
