Mən bu gün buradayam, çünki Ermənistanda rifah qurmaq, demokratiyanı gücləndirmək və insanların uzun müddət arzuladığı sülhə nail olmaq üçün mühüm imkan pəncərəsi var. Bu barədə ABŞ Beynəlxalq İnkişaf Agentliyinin (USAID) rəhbəri Samanta Pauer mətbuat konfransında bildirib.
“USAID-də biz və ümumilikdə ABŞ Ermənistana bu fürsət pəncərəsindən maksimum yararlanmaqda kömək etməyə hazırıq.
2018-ci ildə erməni xalqı ayağa qalxıb dəyişiklik tələb etdikdə, o vaxtdan bəri Ermənistan əhəmiyyətli irəliləyişlər əldə etdi, demokratik islahatları dərinləşdirdi ki, hökumət vətəndaşların ehtiyaclarına daha çox cavab verə bilsin, korrupsiyaya görə əvvəllər mümkün olmayan iqtisadi imkanlar yarada və təmin edə bilsin”, - deyə o qeyd edib.
Pauer həmçinin əmin edib ki, ABŞ Ermənistan və Azərbaycanın barışmasına kömək etmək üçün əlindən gələni edəcək.
“Bu gün Ermənistan onilliklərlə davam edən münaqişəyə son qoya biləcək sülh müqaviləsi imzalamağa yaxındır. Ermənistan və Azərbaycan hökumətlərinin nümayəndələri barışığa yönəlmiş danışıqları davam etdirirlər. ABŞ Ermənistanın bu tarixi məqamdan yararlanmasına kömək etmək üçün əlindən gələni edəcək”.
