Avropa Parlamentinin bütün fraksiyalarının bir qrup deputatı Ermənistan-Fransa hərbi əməkdaşlığı ilə bağlı Azərbaycan və Rusiyanın reaksiyasına və tənqidlərinə cavab olaraq birgə bəyanat yayıb. Deputatlar qeyd ediblər ki, müasir hərbi texnikaya malik silahlı və döyüş qabiliyyətinə malik ordunun olmasının hər bir ölkənin suveren hüququdur.
“Rusiya və Azərbaycan rejimləri tərəfindən Ermənistana qarşı irəli sürdüyü ittihamlar iki ölkə arasında 2023-cü ilin sentyabr ayında 140 mindən çox erməninin etnik təmizləməyə məruz qalmasına səbəb olan sui-qəsdin olduğunu bir daha sübut edir”.
Onlar qeyd ediblər ki, Azərbaycan və Rusiya Fransanı pisləyəndə ölkə daxilində və ya ölkələr arasında mövcud fikir ayrılıqlarından və ziddiyyətlərdən “öz fürsətçi məqsədlərinə çatmaq üçün bir vasitə kimi” istifadə etməyə çalışırlar.
“Bu, heç bir şəkildə Avropa İttifaqı tərəfindən qəbul edilə bilməz və diktator Əliyev rejiminə qarşı regional sülh və təhlükəsizliyə xələl gətirən destruktiv hərəkətlərinə və insan hüquqlarının pozulmasına görə sanksiyalar tətbiq etməyin vaxtı çoxdan çatıb. Biz Bakı və Moskvanın rəsmi bəyanatlarını qətiyyətlə pisləyirik və Avropa Komissiyasını və Avropa Xarici Əlaqələr Xidmətini bu vəziyyətə dərhal reaksiya verməyə çağırırıq”, - birgə bəyanatda bildirilir.
Sənədi Slovakiyadan Miriam Lexman, Fransadan Fransua-Xavier Belami, Natali Luazo, Raphael Gluksman, Marketa Gregorova, Kristof Gomar, Selin İmar, Loran Kastiyon, Kiprdən Lucas Furlas və Kostas Mavrides, Niderlandan Bert-yan Rausen, Litvadan Andrius Kunlios və Rasa Yukneviçe,İsveçdən isə Çarl Veymers tərəfindən imzalanıb.
