15 illik fasilədən sonra ER XİN rəhbərini qəbul etmək bizim üçün böyük şərəfdir. Mən xarici işlər naziri təyin olunandan bəri ilk dəfədir ki, bizim nazirliyin binasında Ermənistanın bayrağı asılır. Bu barədə Macarıstanın xarici işlər və ticarət naziri Peter Siyarto nazir Ararat Mirzoyanla birgə mətbuat konfransında bildirib.
Macarıstan Xarici İşlər Nazirliyinin rəhbərinin sözlərinə görə, Qafqaz regionu son bir neçə il və onilliklər ərzində region əhalisinə “çətinliklər və iztirablar” gətirən münaqişələrin şahidi olub.
“Bizim məqsədimiz və vəzifəmiz sülhü dəstəkləmək olub və eyni şey Qafqaz regionuna da aiddir, buna görə də biz regionda, eləcə də bölgədə yaşayan insanlar üçün uzunmüddətli və davamlı sülhün təmin edilməsi məqsədilə həm Ermənistan, həm də Azərbaycanın şahidi olduğumuz sülhə doğru mühüm addımları alqışlayırıq.
Macarıstan bu məsələdə də sülhməramlı səylərə töhfə vermək istər, ona görə də biz 2022-ci ilin dekabrında Ermənistanla diplomatik əlaqələrimizə və münasibətlərimizə başlamaq qərarına gəldik və razılaşdıq”.
