Aprelin 17-də ER-nin İnsan Hüquqlarının Müdafiəçisi (Ombudsman) Anahit Manasyan Danimarka İnsan Hüquqları İnstitutunun (İHİ) İnsan Hüquqları, Qonşu Ölkələr və Asiya Departamentinin direktoru Sara Fortu və departamentin baş məsləhətçisi Pol Daltonu qəbul edib. Bu barədə Müdafiəçinin Aparatı məlumat yayıb.
Qonaqları salamlayan Müdafiəçi insan hüquqlarının maarifləndirilməsi, sosial-iqtisadi hüquqlar, cinayət prosesi zamanı hüquqların müdafiəsi, hüquqi bərabərlik, ayrı-seçkiliyin qadağan edilməsi və tolerantlıqla bağlı bir sıra məsələlərə toxunub.
Anahit Manasyan Dayanıqlı İnkişaf Məqsədlərini (DİM) həyata keçirməklə işin təşkilinin zəruriliyini vurğulayıb.
Görüşün sonunda tərəflər insan hüquqlarının müdafiəsi sahəsində əməkdaşlığı davam etdirmək və daha da inkişaf etdirmək niyyətində olduqlarını bildiriblər.
