ABŞ Dövlət Departamenti Türkiyəyə 23 milyard dollar dəyərində F-16 döyüş təyyarələri, təkmilləşdirmə dəstləri və digər sistemlərin potensial satışını təsdiqləyib. Pentaqonun məlumatına görə, Ankara bundan əvvəl 40 yeni F-16, Türkiyə tərəfinin ixtiyarında olan 79 döyüş təyyarəsinin modernləşdirilməsinə icazə, həmçinin ehtiyat hissələri və müxtəlif sistemlərin alınmasını istəyib.
Mümkün satışın NATO müttəfiqlərinin hava qüvvələri imkanlarını genişləndirməklə ABŞ-ın xarici siyasəti və milli təhlükəsizlik məqsədlərinə uyğun olacağı qeyd edilir. ABŞ administrasiyası artıq bu qərarla bağlı Konqresə məlumat verib. Bunu nəzərdən keçirmək və ya bloklamaq üçün Konqresin 30 günü var.
Bundan əvvəl Rəcəb Ərdoğan bəyan etmişdi ki, Vaşinqton Türkiyəyə F-16-ları satarsa, Ankara Stokholmun Avro-Atlantik inteqrasiyasına razı olacaq.
