2023-cü il ərzində Ermənistan və Türkiyə arasında münasibətlərin normallaşdırılması məsələlərinə dair xüsusi nümayəndələrin görüşləri keçirilməsə də, ilkin şərt olmadan münasibətlərin normallaşması prosesində nəzərəçarpacaq irəliləyiş əldə olunmasa da, il bir sıra yüksək səviyyəli görüşlərlə yadda qalıb ki, bu da gələcək proseslər üçün müsbət zəmin yaradıb. Bu barədə ER xarici işlər naziri Ararat Mirzoyan yekun mətbuat konfransında bildirib.
O xatırladıb ki, iki ölkə arasında birbaşa sərnişindaşıma ilə bağlı əvvəlki qadağalar aradan qaldırılıb. Türkiyədə qeydə alınan zəlzələ günlərində ER Daxili İşlər Nazirliyinin komandası qonşu ölkəyə gedib, daha sonra Marqara körpüsü ilə 7 erməni yük maşını ilə təbii fəlakət bölgəsinə humanitar yardım çatdırılıb. Xarici işlər naziri də Türkiyəyə səfər edib, daha sonra ER baş naziri Nikol Paşinyan prezident Ərdoğanın andiçmə mərasimində iştirak etmək üçün Ankaraya səfər edib. Tarixi Ani körpüsünün tikintisi ilə bağlı da razılıq əldə olunub.
