Yaponiyanın fövqəladə və səlahiyyətli səfiri Aoki Yutaka etimadnaməsini ER Prezidenti Vahaqn Xaçaturyana təqdim edib.
Səfiri salamlayan dövlət başçısı onu bu vəzifəyə təyin olunması münasibətilə təbrik edib və diplomatik fəaliyyəti dövründə ona uğurlar arzulayıb.
Görüş zamanı Ermənistan və Yaponiya arasında çoxşaxəli əməkdaşlığın inkişaf perspektivləri və istiqamətləri ilə bağlı məsələlər müzakirə olunub. Yüksək texnologiyalar və İT sahələrində əməkdaşlıq üçün böyük potensialın mövcudluğu və onun tam şəkildə həyata keçirilməsi üçün addımların aktivləşdirilməsinin vacibliyi vurğulanıb.
Söhbət zamanı iki ölkə arasında siyasi dialoqun təşviqi imkanlarına toxunulub, bu kontekstdə yüksək səviyyəli siyasi qarşılıqlı səfərlərin zəruriliyi, o cümlədən parlament diplomatiyasının davamlı şəkildə təşviq edilməsinin zəruriliyi vurğulanıb.
Prezident Vahaqn Xaçaturyan çıxışında qeyd edib ki, müxtəlif səviyyəli qarşılıqlı siyasi səfərlər, o cümlədən fəal diplomatik, mədəni təmaslar və sahələr üzrə əməkdaşlıq iki xalqın qarşılıqlı tanınmasına xidmət edir və ölkələr arasında mövcud əməkdaşlığı gücləndirir.
Səfir Yutaka Ermənistan-Yaponiya əlaqələrinin davamlı yaxınlaşmasına toxunaraq qeyd edib ki, son illər Yaponiya, xüsusən də demokratiya yolu və demokratik islahatlara görə Ermənistanla daha çox maraqlanır.
