Ermənistan Respublikası və İran İslam Respublikasının xarici işlər nazirləri ikitərəfli ticarətin həcmini hər il əvvəlcə 1 milyard dollara, sonra isə 3 milyard dollara çatdırmaq barədə razılığa gəliblər. Ararat Mirzoyan bu barədə birgə mətbuat konfransı zamanı Hüseyn Əmir Abdullahianla təkbətək söhbətindən sonra bildirib.
Xarici işlər naziri “Elektrik enerjisi müqabilində qaz” layihəsinin müddətinin uzadılmasına dair sazişin imzalanmasını ilin mühüm nailiyyəti hesab edib və birgə addımlar nəticəsində nəzərəçarpacaq irəliləyiş əldə olunacağına və üçüncü İran-Ermənistan elektrik ötürücü xəttinin işlərinin tamamlanacağına ümidvar olduğunu bildirib.
“Bugünkü müzakirələrimizdə biz Şimal-Cənub yol dəhlizini və Fars körfəzini Qara dənizə birləşdirən beynəlxalq nəqliyyat marşrutlarının tam fəaliyyət göstərməsinin zəruriliyini və bununla bağlı İran şirkətlərinin də iştirakının vacibliyini vurğuladıq. Ermənistanın iqtisadi həyatında biz İran şirkətlərinin iştirakı ilə 32 kilometrlik Agarak-Kacaran yolunun tikinti işlərinə əhəmiyyət verdik”, - deyə nazir bildirib.
İki nazir “Sülhün kəsişməsi” layihəsini də müzakirə ediblər.
“Bizim üçün əsasdır ki, suverenlik, yurisdiksiya, qarşılıqlılıq və ölkələrin bərabərliyi prinsipləri bu prosesin əsasını təşkil etsin.
Hörmətli cənab Abdullahian, biz məmnuniyyətlə qeyd etməliyik ki, Regional nəqliyyatın tam istifadəsi məsələsi və Ermənistan və İranın qəbul etdiyi siyasət tam uyğundur və və bununla bağlı biz İran Respublikasının Ermənistan Respublikasının ərazi bütövlüyü, sərhədlərinin ayrılmazlığı və suverenliyi ilə bağlı aydın mövqeyini vurğulayırıq və bu da İran tərəfindən dəfələrlə nümayiş etdirilmişdir”, - deyə o qeyd edib.
