Aİ-nin Xarici İşlər və Təhlükəsizlik üzrə Ali Nümayəndəsi Josep Borel 25-ci Aİ-QHT-lərin İnsan Hüquqları Forumunda çıxış edərək, Dağlıq Qarabağın erməni əhalisinin məcburi köçkünlüyünə də toxunub.
“Dünyada çoxlu münaqişələr var. Yaşadığımız dövrün çağırışları bizi yalnız bütün dünyada insan hüquqlarının müdafiəsini davam etdirməyə təşviq etməlidir. Çünki bizim gördüyümüz kobud güc siyasətinin qayıdışıdır. Getdikcə daha çox münaqişə güc tətbiqi ilə həll olunur. Qadağan edilməli olan bir şey. Münaqişələr güc yolu ilə həll edilməməlidir, halbuki mən daha çox məsələlərin güc yolu ilə həll edildiyini görürəm.
Məsələn, Azərbaycanda və Ermənistanda baş verənlərə baxın. Uzun müddət dondurulmuş, birdən-birə həllini deməzdim, ancaq hərbi müdaxilə ilə qəti qərara alınan və bir həftə ərzində 150.000 insanı köçməyə məcbur edən münaqişə. Bir həftə ərzində 150 min insan evlərini tərk edərək qaçmaq məcburiyyətində qaldı. Beynəlxalq ictimaiyyət təəssüfləndiyini bildirdi, narahatlığını bildirdi, humanitar yardım göndərdi, lakin güc tətbiq edildi və zorakılıq bütün dünyada artmaqda davam edir”, - deyə Josep Borel bildirib.
