Noyabrın 21-də Yerevanda Ermənistan-Almaniya əməkdaşlığının inkişafı üzrə ikigünlük hökumətlərarası danışıqlar başlayıb, həmsədrləri erməni tərəfdən ER iqtisadiyyat naziri Vahan Kerobyan, alman tərəfdən isə ADR İqtisadi İnkişaf və Əməkdaşlıq Nazirliyinin dövlət katibi Nils Anendir. Bu barədə İqtisadiyyat Nazirliyi məlumat yayıb.
Nazir Vahan Kerobyan salamlama nitqində qeyd edib ki, ticarət-iqtisadi və sektoral əməkdaşlığın təşviq edilməsi zərurəti həmişə ER hökumətinin gündəliyində mühüm yer tutur və Ermənistanın Aİ ölkələri arasında ticarət dövriyyəsinin ən böyük payı Almaniya ilədir.
Görüş zamanı davamlı iqtisadi inkişaf, iqlim dəyişikliyi, bərpa olunan enerji və enerji səmərəliliyi, özəl və maliyyə sektorunun inkişafı, texniki və peşə təhsili və təlimi, yaxşı idarəetmə və qarşılıqlı maraq doğuran digər məsələlər hərtərəfli müzakirə olunub.
