Ermənistanın baş naziri Nikol Paşinyan qeyd edir ki, Azərbaycan Dağlıq Qarabağda ermənilərin həyatını qeyri-mümkün etmək qərarını açıq və birmənalı şəkildə nümayiş etdirib.
Paşinyan bunu Avropa Parlamentindəki çıxışında deyib.
“Təəssüf ki, yüzlərlə həyəcan təbili çalmasına, Beynəlxalq Ədalət Məhkəməsinin qərarlarına, Avropa Parlamentinin, AŞPA-nın və ayrı-ayrı ölkələrin parlamentlərinin qətnamələrinə, icra orqanlarının, beynəlxalq ictimaiyyətin müraciətlərinə baxmayaraq, hamımız Dağlıq Qarabağda ermənilərin etnik təmizləməsinin qarşısını ala bilmədik” – deyə baş nazir vurğulayıb.
O əlavə edib ki, Ermənistan hökuməti və Avropa Parlamenti Dağlıq Qarabağda gözlənilən etnik təmizləmə ilə bağlı dəfələrlə xəbərdarlıq edib, Ermənistan hökuməti qanunsuz bloklanmış Laçın dəhlizinə və Dağlıq Qarabağa faktaraşdırıcı qrup göndərmək üçün BMT, ATƏT, Aİ-yə çoxsaylı çağırışlar edib, lakin heç bir struktur belə bir qərar qəbul etməyib.
“Biz BMT Təhlükəsizlik Şurasında mövzu ilə bağlı üç müzakirəyə təşəbbüs etmişik, lakin müzakirələrdən heç bir praktiki nəticə olmayıb və Dağlıq Qarabağ artıq boşaldılıb. Rusiya sülhməramlı qüvvələrinin hərəkətsizliyi şəraitində bir həftə ərzində 100 mindən çox erməni Dağlıq Qarabağdakı evlərini və vətənlərini tərk edib, daha 20 min nəfər 44 günlük müharibədən sonra dərhal Dağlıq Qarabağı tərk etmək məcburiyyətində qalıb, Onların bəzilərinin 2022-ci ilin dekabrında Laçın dəhlizinin qeyri-qanuni şəkildə bağlanması səbəbindən Dağlıq Qarabağa qayıtmaq imkanı beelə olmayıb.
Bu gün isə bəziləri guya Dağlıq Qarabağ ermənilərinin niyə kütləvi şəkildə evlərini tərk etdiyini başa düşmürlər. Belə bir sualın verilməsi özlüyündə sinizmdir, çünki cavab çox aydındır. "Azərbaycan Dağlıq Qarabağda ermənilərin həyatını qeyri-mümkün etmək qərarını açıq və birmənalı şəkildə nümayiş etdirdi", - Paşinyan bildirib.
Ermənistanın baş naziri xatırladıb ki, 2022-ci ilin dekabrından Dağlıq Qarabağ erməniləri Laçının qanunsuz blokadası zamanı xarici qaz, elektrik enerjisi, yanacaq, ərzaq, uşaq qidası, dərman, gigiyena və digər zəruri əşyalardan məhrum olublar, kənd təsərrüfatı işləri ilə məşğul olan mülki şəxslər Azərbaycan silahlı qüvvələri tərəfindən hədəfə alınıb.
“2022-ci ilin dekabrından bəri biz onlarla dəfə Azərbaycanın planı ilə bağlı xəbərdarlıq etmişik։ Laçın dəhlizini bağlayandan sonra insanları acından öldürmək, hərbi, təbliğat və psixoloji təzyiqləri artırmaq, sonra Laçın dəhlizini açın və bununla da bütün erməniləri getməyə məcbur etmək.
2023-cü ilin yanvar, fevral, mart, aprel, may, iyun, iyul, avqust aylarında belə bir ssenaridən danışdıq, yüksək səslə və açıq danışdıq. Sentyabrda baş vermiş Dağlıq Qarabağın əhalisinin boşaldılması ilə bağlı bəzi beynəlxalq rəsmilərin təəccüblü üzlərini qəbul etmirəm”, - deyə baş nazir bildirib.
Eyni zamanda, Paşinyan vətənindən məhrum edilmiş insanların gələcək hüquqlarının qorunmasının vacib olduğunu vurğulayıb.
