Birləşmiş Ştatlar Dağlıq Qarabağın gələcəyi ilə bağlı danışıqların nəticəsini qabaqcadan müəyyən etmir, lakin davamlı, sabit və sülh üçün zəmin yaradan sazişi dəstəkləyir. “Armenpress”in İctimai Televiziyaya verdiyi müsahibədə səsləndirilən fikirlərlə bağlı sualını cavablandıran ABŞ-ın Ermənistandakı səfiri bildirib.
Xatırladaq ki, iyulun 3-də İctimai Televiziyaya verdiyi müsahibə zamanı cəmiyyətdə Qarabağ Azərbaycanın tərkibində qalsa, Artsax xalqının təhlükəsiz və dinc yaşamasının fiziki cəhətdən mümkünsüz olacağı ilə bağlı müzakirələrin getdiyi müşahidəsinə Kristina Kvin cavab verdi ki, onlar inanırlar və ümid edirlər ki, bu, mümkündür və bütün tərəflər bunu mümkün etmək üçün birgə səy göstərməlidirlər.
"Biz bütün tərəfləri qeyd olunan hüquqların və təhlükəsizliyin təmin edilməsi üçün birgə səylər göstərməyə çağırırıq", - səfir Kvin bildirib.
“Problemləri həll etməyin və davamlı və layiqli sülhə nail olmağın yolu birbaşa dialoqdur. Dağlıq Qarabağ əhalisinin hüquqları və təhlükəsizliyi məsələsi Ermənistan-Azərbaycan münaqişəsinin əsasını təşkil edir. Nəhayət, çox uzun sürən və çoxlu insan həyatı bahasına başa gələn bu münaqişənin davamlı həllini təmin etməyin yeganə yolu Dağlıq Qarabağda yaşayanların hüquqlarının qorunmasını və onların öz evlərində təhlükəsiz hiss etmələrini təmin etməkdir”,- deyə Kvin qeyd edib.
