Moskvada Lavrov-Mirzoyan-Bayramov üçtərəfli görüşü keçirilib, görüşün açılışında Rusiyanın xarici işlər naziri Sergey Lavrov bəyan edib ki, Cənubi Qafqazda vəziyyətin nizamlanması ilə bağlı Ermənistan, Rusiya və Azərbaycan liderlərinin üçtərəfli bəyanatlarına alternativ yoxdur.
“Vəziyyətin sabitləşməsi ilə bağlı qərarların həyata keçirilməsi üçün hər cür səy göstərəcəyik. Ümid edirəm ki, bugünkü görüş konstruktiv keçəcək və sizin birbaşa dialoqunuz əlavə nəticələr əldə etməyə imkan verəcək”, - deyə Lavrov bildirib.
O, üçtərəfli görüş zamanı o, Ermənistan-Azərbaycan münasibətlərinin nizamlanması ilə yanaşı, bir sıra digər məsələlərin, o cümlədən Dağlıq Qarabağda və sərhəddə vəziyyətin sabitləşdirilməsi, humanitar problemlərin həlli, iqtisadi və nəqliyyat əlaqələrinin açılması və sülh müqaviləsinin mətni üzrə razılaşmanı müzakirə etməyi təklif edib.
Rusiyanın xarici işlər naziri ekspertlər, qeyri-hökumət təşkilatları və parlamentarilər arasında əlaqələrin inkişaf etdirildiyini vurğulayıb. "Bu təcrübə artıq baş verib və bu, həm də etimadın yaradılması üçün mühüm addım olacaq".
