İranın İSNA xəbər agentliyi bildirir ki, İran parlamentində Təbrizdən seçilmiş deputat Ruhullah Motafakerazad parlamentin iclasında elan edib:
“İsrailin regionda sülh və sabitliyi pozmaq üçün ciddi planı var, ona görə də bizim Azərbaycana qardaşcasına tövsiyəmiz var ki, bu tələyə düşməsin.
Azərbaycanın Təl-Əvivdə səfirliyinin açılması Azərbaycanın müsəlmanlar arasında nüfuzuna ciddi zərbə vuran böyük strateji səhvdir. Biz israillilərin azərbaycanlıların köməyi ilə ölkəmizin işinə qarışmasına imkan verməyəcəyik. Şübhəsiz ki, uğursuz olacaqlar. Bizim səbrimiz stratejidir və biz Azərbaycandan xahiş edirik ki, rəsmiləri və mediası tərəfindən düşünməmiş şərhlərin qarşısını alsın. Biz bu münasibətlərin qorunub saxlanmasını istəyirik”.
