Fransa prezidenti Emanuel Makron ER baş nazirinin vəzifəsini icra edən Nikol Paşinyanla görüş zamanı qeyd etdi ki, Fransa ATƏT-in Minsk qrupu olaraq Dağlıq Qarabağ münaqişəsinin nizamlanmasında maraqlıdır. Həmsədrlər, Azərbaycan təcavüzündən sonra qeyd etdilər ki, danışıqlar bərpa olunmalıdır.
“Bu işgüzar səfər doğru zaman baş verir. Ermənistan təhlükəsizlik böhranı ilə üzləşib. 9 noyabr tarixli bəyanatdan sonra biz qeyd edirik ki, atəşkəs ümumiyyətlə qorunsa da, görüləcək çox iş var. Fransa bu məsələdə yardım etməyə hazırdır. Söz ilk növbədə hərbi əsirlərin və digər saxlanılanların azad edilməsi haqqındadır.
Humanitar yardım məsələsi, Dağlıq Qarabağ və ətraf rayonlarında həm xristian, həm də müsəlman irsinin qorunması məsələsi çox vacibdir. ATƏT-in Minsk Qrupunun həmsədri olaraq, Fransa birbaşa dialoqun bərpası və gərginliyin aradan qalxması üçün əlindən gələn hər şeyi etmək niyyətindədir”,- deyə Makron qeyd etdi.
Ermənistan və Azərbaycan arasında delimitasiya prosesi yalnız danışıqlar yolu ilə və güc tətbiq etmədən həyata keçirilməlidir.
“Azərbaycan qüvvələri Ermənistanın suveren ərazisini tərk etməlidir. 11 may tarixindən etibarən tutduqları mövqelərə qayıtmağa çağırıram. Həmişə olduğu kimi, Fransa bu çətin vəziyyətdə də Ermənistanın yanındadır”,- deyə Fransa Prezidenti Emanuel Makron vurğuladı.
