Ermənistanın xarici siyasətlə bağlı rəsmi mövqeyi ER Baş naziri və ER Xİ naziri tərəfindən səsləndirilir. ER Xİ naziri Ara Ayvazyan bunu ER Parlamentinin Xarici əlaqələrin daimi məsələləri üzrə komitəsinin iclasında, Parlamentin Çiçəklənən Ermənistan fraksiyasının katibi Arman Abovyanın Ermənistan-Türkiyə münasibətlərinin mümkün normallaşması barədə fərqli mənbələrdən və rəsmilərdən olan məlumatlara dair sualını cavablandırarkən söyləyib.
Nazirin sözlərinə görə, 20-ci əsrin ilk soyqırımını görmüş erməni xalqı yalnız sülhün qiymətini dərk edə bilər. “Biz düşmənləri axtarmırıq. Ermənistan müstəqillik qazandıqdan bəri, Ermənistan Türkiyə ilə münasibətləri normallaşdırmaq üçün müxtəlif təşəbbüslər göstərmişdir. Son proses Türkiyə tərəfindən ləğv edilən Sürix prosesi idi.
Həm dövlətlərarası, həm də insanlararası münasibətlərdə vacib olan qarşılıqlı əlaqə prinsipidir. Lakin, ön şərt olmadan həllə dair təşəbbüsümüz Ankara tərəfindən qarşılanmadı, üstəlik, Erməni Soyqırımı nəinki dayandırılmadı, əksinə bölgəmizə ixrac edildi.
Sülh və barışıq perspektivlərini dərk edirik, ancaq bunlar sadəcə sözlər deyil. Bölgəmizdə həqiqi sülhün olması üçün Türkiyə təcavüzkar siyasətinə yenidən baxmalı və düşmən hərəkətlərini ortadan qaldırmalıdır”- deyə nazir qeyd edib.
Ayvazyan qeyd edib ki, tarixdə bir çox ölkələr mehriban qonşuluq münasibətləri qurmaq üçün siyasi iradə tapdıqlar. O ümid bildirib ki, bir gün Türkiyədə bunu anlayacaqlar.
Ermənistan ilə Türkiyə arasında hər hansı məsləhətləşmənin və ya danışıqların mövcudluğu barədə Abovyanın aydınlaşdıran sualına cavab verərək, Ayvazyan bildirib: “XİN rəsmi Ankara ilə hər hansı formatla məsləhətləşmələrin və danışıqların aparıla biləcəyindən xəbərdar deyil".
