Չեմ կարող չմտահոգվել ԵԱՏՄ պրոցեսներով, բայց կարծում եմ՝ ինչքան ես եմ մտահոգված, ԵԱՏՄ մյուս գործընկերներն էլ պետք է մտահոգված լինեն: Այդ մասին Կառավարության ճեպազրույցի ժամանակ ասաց վարչապետ Նիկոլ Փաշինյանը:
«ԵԱՏՄ մյուս անդամ երկրները Հայաստանի այս փորձից մտահոգված չե՞ն, 100 տոկոսով համոզված եղեք, որ մտահոգված են, քանի որ մտածում են՝ նույնը կարող է տեղի ունենալ նրանց հետ:
Եթե մենք հիմա սա արագ չկարգավորենք, սա ԵԱՏՄ քայքայումը դարձնելու է անխուսափելի: Ուղղակի անխուսափելի: Հայաստանի մասին չի խոսքը:
Ես ասել եմ՝ մենք ԵԱՏՄ-ից դուրս գալու խնդիր մեր առաջ չենք դրել, պարզապես եթե այս հարցերը չկարգավորվեն, ԵԱՏՄ քայքայումը դառնալու է անխուսափելի»,- ասաց նա:
Հիշեցնենք, որ այսօր՝ Կառավարության նիստի ժամանակ, անդրադառնալով ԵԱՏՄ-ի հետ հարաբերություններին և հայաստանյան ապրանքների՝ ռուսական շուկա արտահանման հետ կապված խնդիրներին, Փաշինյանը հայտարարել էր, որ ԵԱՏՄ ձևաչափում քննարկելու բան կա, և որ առաջիկայում այդ առիթն օգտագործելու է քննարկումը սկսելու համար:
