ՍԱՏՄ նախկին ղեկավար Արմեն Դանիելյանը կալանավորվել է։ Այդ մասին 1lurer.am-ին հայտնեցին Հակակոռուպցիոն կոմիտեից։
Ինչպես արդեն հայտնել ենք, երեկ ՍԱՏՄ նախկին ղեկավարը ձերբակալվել էր: Հակակոռուպցիոն կոմիտեից հաստատել էին, որ Արմեն Դանիելյանը ձերբակալվել էր ծառայողական լիազորություններն օգտագործելով առանձնապես խոշոր չափերի գույք հափշտակելու մեղադրանքով։ Նրա նկատմամբ կալանքը որպես խափանման միջոց կիրառելու միջնորդություն էր ներկայացվել դատարան:
Հիշեցնենք՝ Սննդամթերքի անվտանգության տեսչական մարմնի (ՍԱՏՄ) ղեկավար Արմեն Դանիելյանը օրեր առաջ ներկայացրել էր պաշտոնից ազատման դիմում։ Արմեն Դանիելյանը ՍԱՏՄ ղեկավար էր նշանակվել 2024 թվականի նոյեմբերին։
