Moskva və Bakı 2024-cü ilin dekabr ayında Aktau yaxınlığında baş verən Azərbaycan Hava Yollarına (AZAL) məxsus təyyarənin qəzası ilə bağlı bütün aspektlər üzrə razılığa gəliblər. Bunu Rusiya xarici işlər nazirinin müavini Mixail Qaluzin RTVI-yə verdiyi müsahibədə bildirib.
O, vurğulayıb: “Biz Azərbaycan təyyarəsinin qəzasının nəticələri ilə bağlı bütün məsələlərin həllinə nail olmuşuq”.
Qəza 25 dekabr 2024-cü ildə baş verib. Embraer 190 təyyarəsi Bakıdan Qroznıya uçurdu, lakin pis hava şəraiti səbəbindən istiqamətini Mahaçqalaya dəyişdi. Daha sonra heyət Aktauya uçmaq qərarına gəlib. Oradan bir neçə kilometr aralıda baş verən təyyarə qəzasında göyərtədəki 67 nəfərdən 38-i ölüb.
2026-cı ilin aprel ayında Rusiya və Azərbaycan Xarici İşlər Nazirlikləri kompensasiyanın ödənilməsi məsələsi də daxil olmaqla, məsələnin yekun həllini təsdiqləyən birgə bəyanat yayıblar.
