US Armenia-nın məlumatına görə, Kaliforniyanın Qlendeyl şəhərinin tarixində ilk dəfə olaraq erməni əsilli bir məmur polis rəisi vəzifəsini tutacaq. Robert Uilyamın Qlendeyl Polis İdarəsində təxminən 24 il xidmət etdiyini və müxtəlif rütbələrdən keçdiyini qeyd edilir.
O, əsas prioritetlərinin şəhərin təhlükəsizliyini təmin etmək və müxtəlif icmalarla sıx əməkdaşlıq olduğunu qeyd edib.
"Qlendeyl şəhərinin ilk erməni polis rəisi olduğum üçün qürur duyuram. Lakin məqsədim heç vaxt ilk erməni polis rəisi olmaq deyildi. Məqsədim şəhəri təhlükəsiz saxlaya biləcək bir polis rəisi olmaq idi", - deyə o bildirib.
Uilyamın sözlərinə görə, erməni soyadı olmasa da, erməni kimliyi onun həyatında həmişə mühüm rol oynayıb.
"Atam assuriyalı və ermənidir, anam isə ermənidir. Evimizdə yalnız erməni dilində danışırdıq", - deyə yeni təyin olunmuş polis rəisi qeyd edib.
