Reuters agentliyinin verdiyi məlumata görə, İsveçrə Xarici İşlər Nazirliyi 19 iyunda İsveçrənin Bürgenştok kurortunda keçirilməsi planlaşdırılan ABŞ-İran sülh danışıqlarının bu gün keçirilməyəcəyini açıqlayıb.
ABŞ hakimiyyəti əvvəllər 19 iyunda İsveçrədə ABŞ-İran sazişinin imzalanma mərasimi keçirmək niyyətində olduqlarını bildirmişdi, lakin İran Xarici İşlər Nazirliyi artıq belə bir mərasimə ehtiyac olmadığını bildirib, çünki iki ölkənin prezidentləri Donald Tramp və Məsud Pezeşkian sənədi ayrıca, 18 iyunda imzalayıblar.
Tərəflər artıq bir gün əvvəl görüşməyi planlaşdırmışdılar. İsveçrə Xarici İşlər Nazirliyi ABŞ və İran nümayəndələrinin, eləcə də Pakistan və Qətər vasitəçilərinin Bürgenştokda toplaşacağını açıqlayıb.
Lakin 19 iyun gecəsi Ağ Ev ABŞ vitse-prezidenti J.D. Vensin İsveçrəyə səfərinin ləğv olunduğunu elan etdi. "Vitse-prezident bu gecə səfər etməyəcək. Texniki müzakirələrə ən qısa zamanda başlamağı gözləyirik", - Ağ Evin sözçüsü bildirib.
