Vladimir Putin ABŞ prezidenti Donald Trampla telefon danışığı aparıb. Bu barədə Rusiya prezidentinin köməkçisi Yuri Uşakov məlumat verib.
Telefon danışığı zamanı Putin amerikalı həmkarını 80 illik yubileyi münasibətilə təbrik edib.
"Rusiya prezidenti Donald Trampın döyüş keyfiyyətlərinə, zərbələrə tab gətirmək, çətinlikləri uğurla dəf etmək və məqsədlərinə inadla çatmaq qabiliyyətinə hörmətini gizlətməyib", - deyə o bildirib.
Söhbət qeyri-rəsmi olub və təxminən bir saat davam edib. Uşakovun sözlərinə görə, Tramp qeyd edib ki, Putin Ağ Evə zəng edən ilk xarici liderlərdən biri olub.
Liderlər ikitərəfli münasibətləri, xüsusi elçilər Stiv Vitkov və Cared Kuşnerin Rusiyaya qarşıdakı səfərini, eləcə də Ukraynadakı münaqişəni müzakirə ediblər.
“Tramp bir daha hərbi əməliyyatların dayandırılmasının vacibliyini vurğuladı. “O, həm Avropa tərəfdaşlarına, həm də Kiyevə, o cümlədən G7 sammitindəki qarşıdan gələn təmaslar zamanı təsir göstərməyə hazır olduğunu bildirdi”, - deyə Kremlin nümayəndəsi bildirib.
Putin və Tramp həmçinin qeyd ediblər ki, Ukrayna silahlı qüvvələrinin Rusiyadakı mülki obyektlərə son hücumları sülh prosesinə mane olur.
Onlar həmçinin İran və hərbi əməliyyatlara son qoyulması prosesinə toxunublar.
