Ədliyyə nazirinin müavini Anna Karapetyan Frankofoniya müşahidə missiyasının rəhbəri Filip Kurrarın rəhbərlik etdiyi nümayəndə heyətini qəbul edib. Bu barədə Ədliyyə Nazirliyi məlumat verib.
“Görüş zamanı nazir müavini Seçki Məcəlləsində edilən son islahatları təqdim edib və onların məqsədinin seçki proseslərinin şəffaflığını, etibarlılığını və səmərəliliyini artırmaq olduğunu vurğulayıb.
Tərəfdaşlarının xahişi ilə Anna Karapetyan konstitusiya islahatları prosesini və referendumla bağlı detalları təqdim edib.
Görüş zamanı tərəfdaşlar nazirlik tərəfindən həyata keçirilən islahatlar prosesi, seçkilərlə bağlı çətinliklər və onların aradan qaldırılması üçün atılan addımlarla maraqlanıblar.
Tərəflər əməkdaşlığı davam etdirmək barədə razılığa gəliblər”, - deyə bəyanatda bildirilir.
