İraq Baş nazirinin milli təhlükəsizlik müşaviri Qasım Əl-Ərəcinin mətbuat xidməti verdiyi açıqlamada bildirib ki, İran və İraq ortaq sərhədlərində silahlı qrupların hərəkətinin qarşısını almaq barədə razılığa gəliblər.
Qeyd olunur ki, tərəflər təhlükəsizlik sektorunda birgə koordinasiyanın gücləndirilməsinə, sərhəd nəzarəti tədbirlərinin sərtləşdirilməsinə və iki ölkənin və regionun təhlükəsizliyinə və sabitliyinə təhdid yarada biləcək terrorçu və ya silahlı qrupların hər hansı bir sızmasının və ya hərəkətinin qarşısının alınmasına əhəmiyyət veriblər.
Sənəddə qeyd olunur ki, İran tərəfi İraq Kürdüstanının muxtar bölgəsində mövcud olan bəzi İran silahlı qruplarının fəaliyyəti barədə məlumat verib.
