Ermənistan Respublikasının Baş naziri Nikol Paşinyan Yunanıstan Respublikasının Baş naziri Kiriakos Mitsotakisə milli bayram - Müstəqillik Günü münasibətilə təbrik mesajı göndərib.
Məktubda deyilir:
“Yunanıstan Respublikasının milli bayramı - Müstəqillik Günü münasibətilə Sizi ürəkdən təbrik edir və ən səmimi arzularımı çatdırıram.
Ermənistan Yunanıstanla qarşılıqlı etimada, ortaq dəyərlərə və xalqlar arasında güclü sivilizasiya əlaqələrinə əsaslanan dostluq münasibətlərini yüksək qiymətləndirir. Məmnuniyyətlə qeyd edirəm ki, son zamanlar Ermənistan-Yunanıstan əməkdaşlığı daha fəal və məzmunlu şəkildə inkişaf edir.
Konstruktiv və etibarlı dialoq, yüksək səviyyəli qarşılıqlı səfərlər və müntəzəm təmaslar münasibətlərimizə yeni təkan vermiş, siyasi, iqtisadi, müdafiə, elm, təhsil və mədəniyyət sahələrində əməkdaşlıq gündəliyini genişləndirmişdir.
Əminəm ki, ardıcıl birgə iş sayəsində ölkələrimizin çiçəklənməsi və regional sülhün və sabitliyin möhkəmləndirilməsi naminə həm ikitərəfli, həm də çoxtərəfli formatlarda, eləcə də Ermənistan-Avropa İttifaqı tərəfdaşlığı çərçivəsində tərəfdaşlığımızı dərinləşdirməyə davam edəcəyik. Avropa Siyasi Birliyi Zirvə Görüşü çərçivəsində Sizi Yerevanda qəbul etmək şərəfinə nail olmağı səbirsizliklə gözləyirəm.
Yerevana səfəriniz həm də iki dövlətimiz arasında əməkdaşlığın yeni, strateji səviyyəyə yüksəldiyini elan etmək üçün yaxşı fürsətdir. Sizə uğurlar, dost Yunanıstan xalqına isə sülh, firavanlıq və davamlı tərəqqi arzulayıram”.
