Tehran müharibəyə müvəqqəti atəşkəs deyil, tam, hərtərəfli və qəti son qoyulmasını dəstəkləyir, deyə İran xarici işlər naziri Kyodo News-a verdiyi müsahibədə bildirib və bir neçə ölkənin münaqişəyə son qoymaq üçün vasitəçi kimi çıxış etməyə çalışdığını qeyd edib.
Abbas Əraqçinin sözlərinə görə, Tehran istənilən təşəbbüsə açıqdır və təklifləri nəzərdən keçirməyə hazırdır. Nazir əlavə edib ki, davam edən diplomatik səylərə baxmayaraq, ABŞ hələ də real həll yoluna hazırlıq göstərməyib.
Hörmüz boğazının bağlanması ilə bağlı ittihamlara toxunan o, boğazın gəmiçilik üçün bağlanmadığını və Tehranın Tokio ilə müvafiq məsləhətləşmələrdən sonra Yapon gəmilərinin təhlükəsiz keçidini təmin etməyə hazır olduğunu bildirib. Əraqçi keçid məhdudiyyətlərinin yalnız İrana hücumlarda iştirak edən ölkələrə məxsus gəmilərə şamil edildiyini aydınlaşdırıb.
