Rusiya prezidentinin mətbuat katibi Vaşinqtonun vasitəçiliyi ilə Moskva və Kiyev arasında davam edən danışıqların hazırda dayandırıldığını açıqladı.
"Lakin iqtisadi məsələlər üzrə Rusiya-Amerika ikitərəfli işçi qrupu çərçivəsində əlaqələr davam edir", - deyə Dmitri Peskov əlavə etdi.
Eyni zamanda, Kremlin sözçüsü qeyd etdi ki, Rusiya hərbi əsirlərin və həlak olan hərbçilərin cəsədlərinin mübadiləsi ilə bağlı Ukrayna ilə əməkdaşlığı davam etdirəcək.
Daha əvvəl Yaxın Şərqdəki hadisələr səbəbindən Rusiya-Ukrayna nizamlama danışıqları prosesinin dayandırıldığı elan edilmişdi.
