Jurnalistlər Ermənistan Respublikası Parlamentinin sədri Alen Simonyandan Yaxın Şərqdə və İran ətrafında baş verən hadisələrin TRIPP layihəsi üçün təhlükəli olub-olmadığını soruşublar.
Simonyan onların təhlükəli olmadığı fikrini bildirib.
“Düşünürəm ki, bu, TRIPP üçün təhlükəli deyil. Baş verən qurbanlara görə çox üzgünəm və ümid edirik ki, hadisələr mümkün qədər qısa müddətə davam edəcək, çünki onlar birbaşa qonşumuzla baş verir və bu, bizi narahat etməyə bilməz. Eyni zamanda, başa düşürük ki, bu, çox böyük bir geosiyasi məsələdir, bəlkə də ən böyük müharibələrdən biridir ki, bunun bizimlə heç bir əlaqəsi yoxdur və ümid edirik ki, bu, Ermənistanın maraqlarına heç bir şəkildə təsir etməyəcək”, - deyə Alen Simonyan bildirib.
Onun sözlərinə görə, eyni zamanda, həmin müharibə fonunda Ermənistan və Azərbaycanın birlikdə sülhün uclarını tapıb sülh qura bildiklərini görmək çox xoşdur.
Simonyanın sözlərinə görə, baş verən hadisələrə qarışmamaq lazımdır ki, sülh prosesinə zərər dəyməsin.
“İranda yaşayaın ermənilərə gəldikdə isə, əgər onlar Ermənistana gəlmək qərarına gəlsələr, hər hansı bir planları varmı?” sualına Parıamentin sədri müsbət cavab verib.
"Bəli, biz belə bir variantı müzakirə etmişik, amma deməliyəm ki, hazırda belə bir təhlükənin və belə bir meylin olduğu barədə məlumatım yoxdur", - deyə o qeyd edib.
