Baş nazir Nikol Paşinyan Hindistan Respublikasının Baş naziri Narendra Modiyə Hindistanın Respublika Günü münasibətilə təbrik mesajı göndərib.
Müraciətdə deyilir:
“Sizi və dost Hindistan xalqını Hindistanın Respublika Günü münasibətilə ürəkdən təbrik edirəm. Bu tarixi gün Hindistan xalqının demokratik dəyərlərə sadiqliyini və azadlıq ideyalarına sədaqətini simvolizə edir.
Qeyd etməkdən məmnunam ki, sürətlə dəyişən dünyada dost ölkələrimiz arasında qarşılıqlı faydalı və çoxşaxəli tərəfdaşlıq dərinləşməyə və genişlənməyə davam edir. Əminəm ki, birgə səylər sayəsində dost ölkələrimizin və xalqlarımızın rifahı naminə ikitərəfli siyasi dialoqu və əməkdaşlığı yeni səviyyəyə qaldırmağa nail olacağıq.
Fürsətdən istifadə edərək, Sizə və dost Hindistan xalqına ən xoş arzularımı çatdırıram”.
