Ermənistanla Azərbaycan arasında münasibətlərin, eyni zamanda Ermənistan-Azərbaycan-Türkiyə münasibətlərinin normallaşması bizim maraqlarımıza uyğundur. Bu, əlaqə üçün vacibdir, həm də firavanlıq üçün vacibdir, bütün bu ölkələrin xalqları üçün vacibdir. Bunu Aİ-nin ümumi xarici siyasət və təhlükəsizlik siyasəti üzrə ali nümayəndəsi Kaya Kalas Brüsseldə Ermənistanın xarici işlər naziri Ararat Mirzoyan və Aİ-nin genişlənmə üzrə komissarı Marta Kosun iştirakı ilə keçirilən mətbuat konfransında deyib.
"Biz konkret olaraq nə edə biləcəyimizi müzakirə edirdik. Bütün tərəfdaşlarla görüşmək, hamı ilə problem qaldırmaq imkanımız var. Bəzən kiçik şeylər çox vacibdir: məsələn, sərhəd-keçid məntəqələrinin açılması, əlaqə, enerji infrastrukturu və s.", - Kalas deyib.
"Biz normallaşma prosesini dəstəkləməyə hazırıq və bu baxımdan Azərbaycan və Türkiyə ilə də işləyirik. Biz əlaqə gündəliyi ilə Cənubi Qafqazda çox şey edə bilərik, lakin bu, Ermənistan və Azərbaycan arasında sülh sayəsində mümkündür", - deyə Marta Kos bildirib.
"Mən bu yaxınlarda Daşkənddə investisiya forumunda iştirak etdim və biz bunu orada müzakirə etdik və mən dövlətlərin, hökumətlərin, beynəlxalq maliyyə təşkilatlarının və özəl biznesin qoşulacağı xüsusi platformanın yaradılmasının təşəbbüskarı oldum. Biz bunu təkcə hökumətlərlə edə bilmərik, biz həm də özəl sərmayələri cəlb etməliyik. Burada söhbət əsasən cənub marşrutu üzrə diversifikasiyadan gedir. Avropa şirkətlərinin nümayəndələrindən biri mənə dedi: siz infrastrukturu qurun, biz bizneslə məşğul olacağıq. Biz biznesi necə aparacağımızı, pul qazanacağımızı bilirik, amma infrastruktura ehtiyacımız var. TRIPP əlaqənin yalnız bir hissəsidir, Qərblə Şərqi birləşdirməliyik. Biz xüsusi dördtərəfli qrup müzakirə edirik: Türkiyə-Azərbaycan, Türkiyə və Avropa," o deyib.
