2 noyabrda Ermənistan xarici işlər nazirinin müavini Vahan Kostanyan Misir Ərəb Respublikasının xarici işlər nazirinin müavini Vael Hamed ilə görüşüb.
Tərəflər bu ilin aprel ayında iki ölkənin xarici işlər nazirlikləri arasında məsləhətləşmələr zamanı əldə edilən razılaşmaların həyata keçirilməsini ətraflı müzakirə ediblər. Onlar turizm, infrastruktur, səhiyyə və yüksək texnologiyalar sahələrində əməkdaşlığa hazır olduqlarını vurğulayıblar.
Tərəflər yaxın gələcəkdə Ermənistan və Misir arasında inkişaf edən ikitərəfli münasibətlərə yeni təkan verəcək hökumətlərarası komissiyanın iclasının çağırılmasına əhəmiyyət veriblər.
Vahan Kostanyan və Vael Hamed həmçinin Cənubi Qafqazda və Yaxın Şərqdə davam edən sülh prosesləri ilə bağlı fikir mübadiləsi aparıblar.
