Oktyabrın 6-da Astanada Ermənistan Respublikasının xarici işlər nazirinin müavini Mnatsakan Safaryan və Qazaxıstan Respublikasının xarici işlər nazirinin müavini Yermuxambet Konsupayevin rəhbərliyi ilə iki ölkənin xarici işlər nazirlikləri arasında siyasi məsləhətləşmələr keçirilib. Bu barədə ER Xarici İşlər Nazirliyi məlumat yayıb.
Məsləhətləşmələr zamanı Ermənistan və Qazaxıstan arasında əməkdaşlığın geniş spektri, o cümlədən qarşıdan gələn tədbirlərin və qarşılıqlı səfərlərin gündəliyi, ikitərəfli və çoxtərəfli formatda əməkdaşlıq məsələləri ətraflı müzakirə olunub.
Görüşün nəticəsi olaraq Ermənistan və Qazaxıstan arasında əlaqələrin daha da inkişaf etdirilməsi və möhkəmləndirilməsi məqsədilə xarici işlər nazirlikləri arasında sıx təmasların və əməkdaşlığın davam etdirilməsi barədə razılıq əldə olunub.
