Bu gün Rusiya prezidenti Vladimir Putin Kremldə ABŞ prezidentinin xüsusi nümayəndəsi Stiv Vitkovu qəbul edib. Üç saata yaxın davam edən görüşdə prezidentin köməkçisi Yuri Uşakov və Rusiya Birbaşa İnvestisiya Fondunun rəhbəri Kirill Dmitriyev də iştirak ediblər.
Rusiya prezidentinin köməkçisi Yuri Uşakov görüşü “çox faydalı və konstruktiv söhbət” kimi qiymətləndirib. Görüş zamanı Ukraynadakı müharibə, eləcə də Rusiya ilə ABŞ arasında strateji əməkdaşlığın mümkün inkişaf perspektivləri müzakirə olunub.
