Bloomberg xəbər verir ki, Rusiya nefti ilə yüklənmiş ən azı dörd tanker Hindistanın qərb sahillərində gözləyir. Onlardan ikisi Avropa İttifaqı və Böyük Britaniyanın sanksiyaları altındadır. ABŞ prezidenti Donald Tramp da öz növbəsində Rusiyadan neft alan ölkələrə 100 faizlik gömrük rüsumları tətbiq etməklə hədələyib. Hindistan da Moskvanın ticarət tərəfdaşları sırasındadır.
Trampın təhdidlərindən sonra Hindistan hakimiyyəti neft emalı şirkətlərinə müraciət edərək, onlardan başqa ölkələrdən neft almaq planlarını hazırlayıb təqdim etməyi xahiş edib.
Hindistan dünyanın üçüncü ən böyük neft idxalçısı və dəniz yolu ilə daşınan Rusiya neftinin ən böyük alıcısıdır.
