Türkiyə və Azərbaycan prezidentləri İqtisadi Əməkdaşlıq Təşkilatının 17-ci zirvə toplantısı çərçivəsində görüşüblər. Türkiyə tərəfinin bəyanatına görə, Rəcəb Ərdoğan Ermənistan və Azərbaycan arasında sülh prosesini dəstəklədiyini bir daha təsdiqləyib.
"Türkiyə Yerevan-Bakı sülh danışıqlarını diqqətlə izləyir. Ümid edirik ki, saziş tezliklə imzalanacaq", - Ərdoğan vurğulayıb.
Tərəflər, həmçinin Azərbaycan ilə Türkiyə arasında qardaşlıq və strateji müttəfiqlik münasibətlərinin bütün sahələrdə uğurla inkişaf etdiyini vurğulayıblar.
Ərdoğan bir daha vurğulayıb ki, Türkiyə bütün məsələlərdə həmişə Azərbaycanın yanındadır.
