Rusiya prezidenti Vladimir Putin Kremldə İranın xarici işlər naziri Abbas Əraqçi ilə görüşüb və Yaxın Şərqdə münaqişənin gərginləşməsini müzakirə edib.
Rusiya lideri bəyan edib ki, İran və İsrail arasında baş verən hadisələrlə bağlı Moskvanın mövqeyi məlumdur, bunu Rusiya Xarici İşlər Nazirliyi təqdim edib.
"İrana qarşı törədilən təcavüzün heç bir əsası yoxdur. İslam Respublikasının xarici işlər nazirinin Rusiyaya səfəri bizə mövcud vəziyyətdən necə çıxmaq barədə müzakirələr aparmağa və düşünməyə imkan verəcək", - Putin bildirib.
RF prezidenti əmin edib ki, Rusiya İranla çoxdankı, yaxşı və etibarlı münasibətlərə malik olmaqla İran xalqını dəstəkləmək üçün səy göstərir.
İranın xarici işlər naziri Abbas Əraqçi də bəyan edib ki, İsrail və ABŞ-ın İrana hücumları səbəbindən Yaxın Şərqdə gərginlik artmaqdadır.
Tehran Təl-Əviv və Vaşinqtonun hərəkətlərini qeyri-qanuni adlandırıb və İslam Respublikasının qanuni özünümüdafiə hüququna malik olduğunu bəyan edib.
Abbas Əraqçi İsrail və ABŞ-ın İrana qarşı hərəkətlərini pislədiyinə görə Moskvaya təşəkkür edib.
