Ermənistanın xarici işlər naziri Ararat Mirzoyan ilə BƏƏ baş nazirinin müavini və xarici işlər naziri Şeyx Abdullah bin Zayed Əl Nəhyan arasında telefon danışığı olub. Bu barədə Ermənistan Xarici İşlər Nazirliyi məlumat yayıb.
Həmsöhbətlər siyasi dialoqun və ikitərəfli tərəfdaşlığın yüksək səviyyədə genişləndirilməsi istiqamətində atılan addımları müzakirə ediblər.
Nazir Mirzoyan Ermənistan və BƏƏ arasında əməkdaşlığın inkişafı üçün əhəmiyyətli potensialın olduğunu və onun həyata keçirilməsi üçün Ermənistanın təklif etdiyi baxışı vurğulayıb. Gələcək proqramlara toxunulub.
Ermənistan və BƏƏ xarici işlər nazirləri Ermənistan və Azərbaycan arasında münasibətlərin normallaşdırılması prosesini müzakirə ediblər. Bu kontekstdə nazir Mirzoyan son hadisələri təqdim edərək, regional sülhün bərqərar olması kontekstində Ermənistan və Azərbaycan arasında sülh müqaviləsinin imzalanmasının vacibliyini vurğulayıb.
