ABŞ prezidenti Donald Tramp artıq rusiyalı həmkarı Vladimir Putinlə telefon danışığı apardığını bildirib. Onun sözlərini New York Post qəzeti sitat gətirib. Putin və Trampın nə qədər ünsiyyət qurduğunu soruşduqda ABŞ prezidenti cavab verməkdən imtina edib.
"Mən susmağı üstün tuturam" deyə Ağ Ev rəhbəri bildirib və eyni zamanda qeyd edib: "Daha çox danışıqlar olacağını gözləyirəm. Bu müharibənin bitdiyi nöqtəyə çatmalıyıq."
ABŞ prezidenti ABŞ-ın Rusiya və Ukrayna arasında müharibəyə son qoymaq üçün danışıqlarda irəliləyiş əldə etdiyini açıqlayıb. Bununla belə, o, Rusiya prezidenti Vladimir Putinlə təmaslarının təfərrüatlarını açıqlamaqdan imtina edib, həmçinin Vaşinqtonun Kiyevlə əlaqə saxladığını bildirib.
ABŞ prezidenti yenidən müharibəni dayandıracağına söz verib, lakin bunu necə planlaşdırdığını təfərrüatlı açıqlamayıb.
Bundan əvvəl Rusiya prezidentinin mətbuat katibi Dmitri Peskov iki prezident arasında təmas faktını təsdiqləməkdən və ya təkzib etməkdən imtina etmişdir.
