Livanda vəziyyətin daha da pisləşməsinə və Qəzza zolağında hadisələrin təkrarlanmasına yol verilə bilməz. Bu barədə Ağ Evin mətbuat katibi Karine Jean-Pierre bildirib.
“Biz Livanın ikinci Qəzzaya çevrilməsini istəmirik”, - o deyib.
Karine Jean-Pierre əlavə edib ki, Birləşmiş Ştatlar “münaqişənin dayandırılması və Yaxın Şərq regionunda sabit sülh və təhlükəsizliyin əsaslarının yaradılması” üçün səylərini davam etdirir.
Dövlət Departamentinin sözçüsü Metyu Miller də təsdiqləyib ki, ABŞ İsrailin Livandakı quru əməliyyatlarının miqyasını artırmaq istəmir.
