Brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova Ermənistan-Azərbaycan münasibətlərinin hazırkı vəziyyətini şərh edib.
“Bakı ilə Yerevan arasında bütün ərazi mübahisələri və qarşılıqlı iddialar yalnız siyasi və diplomatik üsullarla həll edilməlidir. Biz tərəfləri maksimum təmkin nümayiş etdirməyə və silahlı ritorikanın intensivliyini azaltmağa çağırırıq”, - deyə o bildirib.
Zaxarova əmin edib ki, Cənubi Qafqazda sabit sülh və firavanlığa nail olmaq üçün bütün lazımi mexanizmlər mövcuddur və bu, ilk növbədə Rusiya, Azərbaycan və Ermənistan liderləri arasında 2020-22-ci illərdə imzalanmış üçtərəfli sazişlərlə bağlıdır.
“Biz tərəfdaşlarımızı səmərəliliyini sübut etmiş formatlarda qurulmuş əməkdaşlığı bərpa etməyə çağırırıq. Biz hər zaman Bakı və Yerevana Ermənistan-Azərbaycan sərhədinin delimitasiyası da daxil olmaqla, qarşılıqlı məqbul həll yollarının tapılmasında lazımi əməli dəstəyi göstərməyə hazırıq. Eyni zamanda, biz Qərbin təhlükəli rolu barədə xəbərdarlıq edirik, hansı ki, hazırda orada vəziyyətin sabitliyini pozmaq üçün regionda çirkin oyuna başlayır”, - Rusiya XİN-in nümayəndəsi bildirib.
