Əminəm ki, siz delimitasiya prosesinin nə qədər mürəkkəb olduğunu bilirsiniz, çünki “xəritə” deyəndə biz sırf peşəkar xəritələr olan topoqrafik xəritələrdən danışırıq, çünki bir çox insanlar sxematik, metodik xəritələri topoqrafik xəritələrlə səhv salırlar. Onlar fərqli keyfiyyətə və fərqli məntiqə malikdir. ER baş nazirinin müavini Mher Qriqoryan jurnalistlərlə keçirdiyi brifinqdə Ermənistan və Azərbaycan sərhədlərinin delimitasiyası məsələləri ilə məşğul olan komissiyalar arasında nəhayət razılığın əldə olunub-olunmaması, sərhədin müəyyənləşdirilməsinin hansı xəritələr əsasında aparılacağı ilə bağlı suala münasibət bildirərkən deyib.
“Reallıqda delimitasiya prosesi sadəcə xəritələrlə işləmək deyil. Delimitasiya prosesi, ilk növbədə, bu və ya digər xəritənin tərtib olunduğu hüquqi əsasın müəyyən edilməsidir, üstəlik, Sovet İttifaqı dövründə heç də hər bir orqanın xəritə çəkmək və ya xəritə çap etmək hüququ yox idi. Amma dediyim bütün bu nüanslar çox önəmlidir və işlərimizdə öz əksini tapmalıdır.
Hüquqi bazaya gəldikdə, hesab edirəm ki, yüksək səviyyəli razılaşmalar var, xüsusən də Praqa və Soçidə Amla Atta Bəyannaməsinə açıq-aşkar istinad var”, - Baş nazirin müavini qeyd edib.
